lýðræði

Ég er Hafnfirðingur og ég er búin að kjósa. Það er ekkert leyndarmál að ég er andvíg stækkun álversins í Straumsvík og kaus samkvæmt því. Það þýðir ekki að ég sé á móti álverinu í þeirri mynd sem það er í dag, eins og umræðan virðist vera komin út í í hinum hýra u know what. Ef maður er andvígur þá er maður á móti öllu. Ég man ekki eftir því áður en þetta havarí fór af stað að mér (eða nokkrum) hafi komið til hugar að atvinnustarfsemi (og flest önnur starfsemi) í Hafnarfirði stæði og félli með því hvort álverið væri hér eða ekki og hvað það væri stórt... Það sem helst stóð upp úr hjá mér þegar ég stóð með kjöseðilinn í höndunum núna rétt fyrir klukkan sjö í kvöld var að mér leið eins og kjána. Það var eitthvað við þetta sem var ekki eins og það á að vera. Lýðræði getur stundum verið skrítið. Er eðlilegt að íbúar bæjarfélags axli þá ábyrgð að kjósa um svona mál? Svo ekki sé minnst á það hvort eðlilegt sé að alþjóðlegt stórfyritæki hóti bæjarfélaginu öllu illu ef það fær ekki það sem það vill?!
amen