Blóð, sviti og bárujárn

Það er nú ekki hægt að segja að maður taki ekki á því í ræktinni! Ég held að mar á öxlum eftir hnébeygjur segi meira en mörg orð... Svo er ég nú alveg farin að skemmta mér ágætlega við þessa iðju, þ.e. að mæta í ræktina og sprikla. Ekki veitir af, örfá smjörlíkisstykki farin og fleiri vonandi að undirbúa brottför. Svo eignaðist ég m.a.s. nýja "vinkonu" þarna um daginn. Hún er á besta aldri og ansi snögg að stökkva upp á nef sér... Ég fékk staðfestingu á því í gær að það er hún sem er pínu nuts en ekki ég (?!) þegar hún tók svona létta þrætu við eina aðra í búningsklefanum. Ég meina, hún veit nú alveg að rope jóga er ekki jóga...

*

En nóg um það. Við erum enn og aftur komin ansi djúpt á kaf í fasteignapælingar. Sem er kannski ekki sniðugt á þessum síðustu og verstu. Og þó.