Brynhildur Eva dúllurass meiddi sig í fyrst sinn í gær..... æ litla krúttið var að leika sér með dót sem hún heldur mikið uppá en er greinilega ekki hættulaust fyrir lítil kríli! Við vorum að borða kvöldmat og hún sat í matarstólnum við borðið og var að naga svona trékall með járnbjöllu á. Allt í einu orgaði hún og ég leit á hana og þá hékk trékallinn í vörinni á henni og hún greyið baðaði bara út höndum. Mér dauðbrá og rauk til og þá hafði bjallan klemmst í efri vörina á henni... Veit ekki alveg hvernig það gat gerst eeeennnnnn, það kom blóð. En þetta var bara smá skeina og hún var fljót að jafna sig. Mér finnst þetta eiginlega bara smá skondið þegar ég hugsa um þetta :oS *skammskamm* Æ hún er bara svo mikið krúúúúttttttttttttt!

Ég er búin að kíkja á báða nýfæddu strákana og þeir eru báðir algjört yndi. Fyrst fór ég til Þóru og vá hvað hann var mikið kríli, samt 15 merkur - næstum kílói þyngri en Brynhildur var! Svo fór ég til Guðrúnar og hennar er ennþá minni!! Hann er jafnstór og Brynhildur var og í samanburði við hann er Þóru strákur bara bolla :o) En fyndið hvað maður er ótrúlega fljótur að gleyma! Ég þorði varla að halda á þeim hehe.