janosch

Hver man ekki eftir Sögustund með Janusi? Ég verð nú að viðurkenna að ég kunni ekki að meta þessa teiknimynd á sínum tíma og fannst fátt leiðinlegra en þegar þunglamalegi bangsinn gekk inn í myndina (mjööög hægt), dró niður tjald og tilkynnti önuglega að nú hæfist Sögustund með Janusi. Ekki nógu mikið aksjón fyrir mig eða e-ð. Ég man sérstaklega eftir nafninu á einni sögunni, Ferðin til Panama. Ég man ekkert um hvað hún var en ég tengi hana e-ð við banana... veit ekki hvers vegna. Þarf að rifja þetta upp. Eins og mér fannst þetta leiðinlegt í denn er eitthvað sem heillar mig við þetta í dag. Kannski það séu krúttulegu teikningarnar og persónurnar sem eru í sögunum?

Ástæðan fyrir því að ég fór að pæla í þessu er 'suðið' í dóttur minni þegar við förum út í búð að versla. Hún suðar um allt og ekkert úti í búð og það nýjasta er að suða um suð, eða snuð eins og þau heita á 'fullorðismáli'. Þar sem suðin hennar eru alltaf að 'týnast' keypti ég ný í gær og þau reyndust vera með myndum af okkar ástkæra Janusi og félögum. Þar hafið þið það. Líður ykkur ekki betur......?