Til gleðinnar

-

Hve ég elska þig, gleði, með geislana þína,

- án gleði er eg aumlega stödd -

þá sólbros þitt skín inn í sálina mína,

þar syngur hver einasta rödd.

*

Og þá vil eg öllu því lifandi líkna

og lofa því gleðina sjá.

Allt mannkyn þá vil eg af misgjörðum sýkna

og mildinni konungdóm fá.

*

Þú opnar það besta, sem eðli mitt geymir

og uppljómar dimmustu göng,

svo ljósið og hitinn að hjarta mér streymir,

og hugurinn fyllist með söng.

*

Því elska eg þig, gleði, með andlitið bjarta

sem áhuga kveikir og þor.

Þinn bústað sem oftast mér hafðu í hjarta,

þú, huga míns syngjandi vor.

(Ólöf Sigurðardóttir frá Hlöðum)

-

Já, já, ég er nörri! En maður er nú ekki íslenskufræðingur fyrir ekki neitt! Svo ekki segja að þú hafir ekki búist við þessu..... Rakst á þetta í vinnunni og ég bara varð svo glöð og leið svo vel í hjartanu af því að lesa þetta :o) Veit ekki hvað það er........ Svo ég haldi áfram væmninni þá verð ég að deila með ykkur því besta í heiminum í dag: þegar krúsímúslíin mín knúsar mömmu sín, tekur um hálsinn, leggur höfuðið á öxlina og klappar á bakið!! aaaawwwwww það er svo sæææætt og notó og bræðir mann alveg eins og vax....................... Ekki er verra ef það fylgir lítill koss í kjölfarið ;o)